Бугундан дунёдаги илк мамлакат барча карантин чекловларини бекор қилди
Янги Зеландия бош вазири Жасинда Ардерн.
Янги Зеландияда коронавирусга чалинган охирги бемор тузалиб чиқди. Орол-давлат барча карантин чекловларини бекор қилди, фақат чегаралар ҳозирча очилмайди.
Бош вазир Жасинда Ардерн 8 июнда маълум қилганидек, сешанба, 9 июнга ўтар кечаси соат 00:00 дан мамлакат миллий хавф даражасининг тўртинчисидан биринчисига ўтди.
Бугундан барча жамоат ва хусусий тадбирлари чекланмаган тартибда ўтказила бошланади, чакана савдо ва меҳмонхона бизнеси одатий иш тартибига ўтади, жамоат транспорти иши тўлиқ тикланади.
Мамлакатда икки ҳафтадан бери биронтаям коронавирус ҳолати қайд этилган эмас.
Маълумот учун: Янги Зеландияда эпидемия даврида коронавирусни юқтириш ҳолатлари 1504 тани ташкил этиб, 1482 нафар (98,5 фоиз) бемор соғайиб чиқди, 22 киши (1,5 фоиз) вафот этган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter