Ўзбекистонда энг кўп қайси автомобиллар ишлаб чиқарилмоқда?
Ўзбекистонда 2026 йилнинг январ–феврал ойларида жами 64 221 дона енгил автомобил ишлаб чиқарилди. Миллий статистика қўмитасига кўра, бу кўрсаткич ўтган йилнинг шу даврига нисбатан 6,9 мингтага ошган.
Қайд этилишича, ишлаб чиқариш таркибида энг катта улуш 23 216 дона билан «Cobalt» русумига тўғри келди. Бу умумий ҳажмнинг қарийб учдан бир қисмини ташкил этиб, модел бозорда етакчи ўринни сақлаб қолмоқда.
Шунингдек, «Damas» — 12 301 дона, «Tracker» — 6 210 дона ва «Onix» — 5 215 дона билан кейинги ўринларни эгаллади. Қолган сегментларда эса турли брендлар иштирок этмоқда.
Маълумотларга кўра, «KIA» русумида 4 039 дона автомобил ишлаб чиқарилган. Электромобиллар сегментида «BYD» 3 165 дона кўрсаткич билан иштирок этган.
Шунингдек, «Haval» — 2 405 дона ва «Chery» — 1 290 дона автомобил ишлаб чиқаргани қайд этилди. Бундан ташқари, махсус енгил автомобиллар сони 6 380 донани ташкил этган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter