Афғонистонда йиллик заъфарон кўргазмаси бўлиб ўтди
Жорий йилнинг 16-18 ноябрь кунлари Афғонистоннинг Ғарбий Ҳирот вилоятида аёллар ва қизлар иштирокида ҳар йили ўтказиладиган заъфарон кўргазмаси бўлиб ўтди.
Бу йилги заъфарон ҳосили икки баробарга кўпайган, дейди фермерлар. Бироқ ҳосилга яхши бозорнинг йўқлиги фермерлар учун жиддий муаммо.
«Бизнинг ягона ташвишимиз экспорт. Барча давлатларнинг эшиклари бизга ёпиқ», - дейди заъфарон сотувчи Абдул Раззоқ.
«Маҳсулотимиз ўтган йилгидан яхши, лекин афсуски, экспорт билан боғлиқ муаммолар бор ва бизда тўғридан-тўғри рейслар йўқ», – дейди заъфарон савдоси билан шуғулланувчи Муҳаммад Жума.
Кўргазмада жами 37 та стенд намойиш этилмоқда. Заъфароннинг 80 фоиздан ортиғи Ҳиротлик аёллар томонидан етиштирилади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter