Австрия ва Ўзбекистон 7 май куни депортация тартибларини соддалаштириш бўйича шартномани имзолайдилар, деб хабар берди The European Conservative. 

Келишув икки мамлакат ўртасида ноқонуний миграция, мигрантларни контрабанда қилиш ва одам савдосига қарши курашда ҳамкорликни ривожлантиришга қаратилган. Шунингдек, депортация қилинганларни ўз мамлакатларига депортатсия қилиш ва транзит қилиш бўйича қўшма саъй-ҳаракатларни ҳам кўзда тутади. 

«Ўзбекистон билан мобиллик шартномаси орқали биз кейинги қадамни қўймоқдамиз ва қатъий ва адолатли бошпана сиёсатининг бир қисми сифатида депортацияларни изчил амалга ошириш учун шароит яратмоқдамиз», деди Австрия вазири Герхард Карнер. 

The European Conservative нашрининг хабар беришича, келишув Вена шаҳрига афғонистонликларни Ўзбекистон орқали ўз ватанларига қайтариш имконини беради. Ўтган йили Австрия Башар Асад ҳукумати ағдарилгандан сўнг бир нечта афғон фуқароларини, шунингдек, сурияликларни депортация қилди. 

Тошкент ва Вена шунингдек, чегара хавфсизлиги ва қалбаки ҳужжатларга қарши курашда ҳамкорликни кучайтиришни режалаштирмоқда. 

Европа Иттифоқи инсон ҳуқуқлари фаоллари ва БМТ Қочқинлар агентлигининг огоҳлантиришларига қарамай, ноқонуний мигрантларни ўз ватанларига депортация қилиш сонини кўпайтиришни режалаштирмоқда. 

Аввалроқ, Австрия ҳукумати мамлакатдаги ноқонуний мигрантлар сонини камайтириш бўйича бир қатор чораларни маъқуллаган эди. Қабул қилинган ташаббуслар орасида оилаларни бирлаштиришни тўхтатиб туриш ва чегара хавфсизлиги механизмини ишлаб чиқиш бор эди.