Бензема Саудия Арабистонининг энг совриндор клубига ўтди
Франциялик футбол юлдузи Карим Бензема Жидданинг «Ал-Иттиҳод» клубини тарк этиб, Саудия Арабистонининг бошқа бир гранди — «Ал-Ҳилол» сафига қўшилди. Бу ҳақдаги расмий хабарни Ар-Риёд клуби матбуот хизмати эълон қилди.
«Ал-Ҳилол» мамлакатнинг энг совриндор клуби ҳисобланади. Маълумотларга кўра, 38 ёшли ҳужумчи билан 2027 йилнинг ёзига қадар мўлжалланган шартнома имзоланган.
Жорий мавсумда Бензема «Ал-Иттиҳод» сафида 14 та ўйинда майдонга тушиб, 8 та гол уришга муваффақ бўлган эди. Эслатиб ўтамиз, «Олтин тўп» соҳиби 2023 йилнинг июнида Мадриднинг «Реал» клубидан эркин агент сифатида Саудия чемпионатига кўчиб ўтганди.
Футболчининг кутилмаганда клубни алмаштириши «Ал-Иттиҳод» билан янги шартнома борасидаги келишмовчиликлар ва молиявий талабларнинг қаноатлантирилмагани билан изоҳланмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter