«Беруний» метросида юз берган ҳодиса ушбу йил ҳисобидан биринчиси эмас
Кеча, 19 март куни Тошкент шаҳридаги метрополитеннинг «Беруний» бекатида нохуш воқеа юз бергани ҳақида хабар қилган эдик.
Маълум бўлишича, 30-35 ёшлардаги аёл бекатга кириб келаётган поезд остига ўзини ташлаган. Зудлик билан кўрилган чоралар натижасида аёл саломат ҳолатда қутқариб қолинган.
Аёлга воқеа жойида биринчи тез тиббий ёрдам кўрсатилган. Шифокор ва психолог етиб келгач, у аёлнинг стресс ҳолатда экани аниқланган.
«UzNews.uz» сайти аёлнинг шахсига ойдинлик киритган — Олмазор туманида истиқомат қилувчи 39 ёшли Муҳаббат А.нинг ушбу хатти-ҳаракати сабаби номаълумлигича қолмоқда.
«Газета.uz»га маълум қилишларича, бу 2018 йилда метрополитендаги иккинчи ўз жонига қасд қилишга уринишдир. Февраль ойи бошида аёл киши оилавий муаммолар сабабли суиқасд қилишга ҳаракат қилган эди.
«Одатда бир йилда икки-уч марта бундай ҳолатлар бўлиб туради», — деган метрополитен вакили.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter