BMB AGRO PLUS “яшил энергетика”дан унумли фойдалана бошлади (фото)
Ўзбекистонда энергия тежамкор технологияларни жорий этиш ва қайта тикланувчи энергия манбаларидан самарали фойдаланиш ишлари изчил давом этмоқда.
Президентнинг 2023 йил 16 февралдаги ПҚ–57-сон қарори ижроси доирасида BMB HOLDING тизимига кирувчи BMB AGRO PLUS корхонасида замонавий қуёш панеллари ўрнатилди. Бу ҳақда компания ахборот хизмати хабар берди.
Қайд этилишича, ушбу ташаббус замирида экологик жиҳатдан тоза ҳудудларни шакллантириш ва “яшил энергетика“ тамойилларини жорий этиш каби мақсадлар ётади. Қолаверса, бу корхонанинг электр энергиясига бўлган эҳтиёжини мустақил таъминлаш имконини яратади. Ортиқча ишлаб чиқарилган энергия эса давлат электр тармоқларига сотилиши назарда тутилган.
Шундай қилиб, корхона фаолиятида муқобил энергия манбалари татбиқ этилиши нафақат иқтисодий жиҳатдан самарали, балки экологик барқарорликни таъминлашда ҳам муҳим ўрин эгаллайди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter