Америка разведкаси ва экспертлари келгуси беш йил ичида маҳаллий инқирозлардан глобал оқибатларга олиб келадиган урушларга айланиб кетиши мумкин бўлган бир қанча минтақалар борлигини тахмин қилмоқда.

Прогноз Politico томонидан тақдим этди. 

Мақола муаллифлари Ҳиндистон ва Покистонни ядровий можаро учун асосий номзодлар деб ҳисоблайди. Кашмир можароси ва томонларнинг шунга ўхшаш кучли арсеналлари бунга сабаб бўлади. Покистоннинг ядровий қуролдан фойдаланиш чегараси паст бўлган доктринаси вазиятни янада хавотирга солмоқда. 

Хитой бир вақтнинг ўзида иккита потенциал можарога аралашиши мумкин. Муаллифларнинг фикрича, Тайван сценарийси халқаро тизим учун бурилиш нуқтаси ва Американинг иттифоқчиларга берган кафолатларининг жиддий синови бўлади.

Иккинчи мумкин бўлган ўчоқ - бу мустамлакачилик давридан келиб чиққан Хитойнинг Ҳиндистон билан чегара можароси. Бу ерда тўсиқ механизмларининг йўқлиги ва ўзаро ишончсизлик туфайли хавфли авж олиш эҳтимоли сақланиб қолмоқда. 

Ғарб экспертлари назарияси Россиянинг Болтиқбўйига гипотетик ҳужумини ҳам ўз ичига олади, бу НАТОни синовдан ўтказади ва Ғарб хавфсизлик кафолатларига жиддий таҳдид қилади. Шимолий Кореяда эса таҳлилчилар фикрича, Ким Чен Ин режимининг беқарорлиги ва ядровий қуролга таяниши инқирозни келтириб чиқариши мумкин.