Индонезияда икки мияли, лекин бир бошли бола туғилди
Индонезияда икки юзли, икки мияли, лекин бир бошли бола туғилди, дея хабар беради «Gazeta.ru».
Шифокорларнинг фикрича, боладаги нуқсон она қорнида ҳомиланинг тухумларини ажратишда юзага келган муаммодан келиб чиққан.
Боланинг бир юзи ва миясини олиб ташлаш жуда хавфли.
Боланинг ота-онаси шифокорлардан фарзандини қутқариб қолишларини сўрашяпти. Бироқ бундай операция ўтказиш учун бола туғилган жойда замонавий тиббиёт жиҳозлари йўқ. Ота-онанинг операция ўтказиш учун маблағи ҳам етарли эмас. Шифокорлар янги туғилган Гиланга Адиканинг узоқ яшашидан умид қилишмаяпти.
Чақалоқнинг онаси Эрниласарининг айтишича, у ҳомиладорлик пайти қорнидаги боланинг ғаройиб хатти-ҳаракатларини сезмаган. Шифокорлар текширув ўтказиб, ҳомилада нуқсон борлигини айтишган. Онанинг сўзларига қараганда, шифокор унга боланинг боши каттариб кетаётганини айтган.
Болада жуда кам учрайдиган «дипрозоп» нуқсони бўлган. Бундай болалар туғилганидан сўнг кўп яшамайди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter