Бутунжаҳон соғлиқни сақлаш ташкилоти Тожикистонда полиомиелит эпидемияси тарқалганини эълон қилди, вазият фавқулодда ҳолат деб таснифланади. Ҳолат хавфлиликнинг иккинчи даражаси, дейилади ЖССТ расмий баёнотида.

18 март ҳолатига кўра, Тожикистонда айланма вакцинадан келиб чиққан 2 турдаги полиовирус (цВДПВ2) билан касалланган болаларда фалаж касаллигининг тўртта ҳолати қайд этилган.

8 март куни ЖССТ Тожикистонда аниқланган ҳолатлар тўғрисидаги маълумотларни кўриб чиққан ва эпидемияни иккинчи даражали фавқулодда ҳолат деб таснифлаган.

Хабар қилинишича, цВДПВ2нинг биринчи ҳолати, ўткир шол фалаж бошланиши билан бирга ўтган йилнинг 22 ноябрида Хатлон вилоятида қайд этилган, ҳозирда Покистонда айланиб юрган вирус тури билан боғлиқ.  Иккинчи фалаж ҳолати шу йилнинг феврал ойида Хатлон вилоятида АФП симптомлари бўлган болада тасдиқланган. 

8 март куни Ҳисор шаҳрида АФП билан инфантил фалажнинг яна икки ҳолати тасдиқланди.

Бундан ташқари, цВДПВ2 Душанбедаги янги ташкил этилган кузатув майдончасида олинган учта экологик намунада ҳам аниқланган.

Жаҳон соғлиқни сақлаш ташкилотининг баёнотида айтилишича, эпидемияни пухта текшириш ишлари олиб борилмоқда.

2021 йил феврал ойида мамлакатда 2-турдаги полиовирус вакцинасини ўтказиб юбориши мумкин бўлган барча болалар касалликни ривожланишидан ва вирус билан алоқа қилишда фалаждан сақланишини таъминлаш учун инактивацияланган полиовирус вакцинаси (ИПВ) ёрдамида режалаштирилган умуммиллий эмлаш кампанияси якунланган.

 Тожикистон Соғлиқни сақлаш вазирлиги ЖССТ баёнотига ҳозирча изоҳ бермади.