Butunjahon sog‘liqni saqlash tashkiloti Tojikistonda poliomiyelit epidemiyasi tarqalganini e’lon qildi, vaziyat favqulodda holat deb tasniflanadi. Holat xavflilikning ikkinchi darajasi, deyiladi JSST rasmiy bayonotida.

18 mart holatiga ko‘ra, Tojikistonda aylanma vaksinadan kelib chiqqan 2 turdagi poliovirus (sVDPV2) bilan kasallangan bolalarda falaj kasalligining to‘rtta holati qayd etilgan.

8 mart kuni JSST Tojikistonda aniqlangan holatlar to‘g‘risidagi ma’lumotlarni ko‘rib chiqqan va epidemiyani ikkinchi darajali favqulodda holat deb tasniflagan.

Xabar qilinishicha, sVDPV2ning birinchi holati, o‘tkir shol falaj boshlanishi bilan birga o‘tgan yilning 22 noyabrida Xatlon viloyatida qayd etilgan, hozirda Pokistonda aylanib yurgan virus turi bilan bog‘liq.  Ikkinchi falaj holati shu yilning fevral oyida Xatlon viloyatida AFP simptomlari bo‘lgan bolada tasdiqlangan. 

8 mart kuni Hisor shahrida AFP bilan infantil falajning yana ikki holati tasdiqlandi.

Bundan tashqari, sVDPV2 Dushanbedagi yangi tashkil etilgan kuzatuv maydonchasida olingan uchta ekologik namunada ham aniqlangan.

Jahon sog‘liqni saqlash tashkilotining bayonotida aytilishicha, epidemiyani puxta tekshirish ishlari olib borilmoqda.

2021 yil fevral oyida mamlakatda 2-turdagi poliovirus vaksinasini o‘tkazib yuborishi mumkin bo‘lgan barcha bolalar kasallikni rivojlanishidan va virus bilan aloqa qilishda falajdan saqlanishini ta’minlash uchun inaktivatsiyalangan poliovirus vaksinasi (IPV) yordamida rejalashtirilgan umummilliy emlash kampaniyasi yakunlangan.

 Tojikiston Sog‘liqni saqlash vazirligi JSST bayonotiga hozircha izoh bermadi.