«КАМАЗ» русумли юк автомашинасида ёнғин содир бўлди
Бугун, 26 май куни соат 15:44да Янгийўл тумани «Регистон» МФЙ ҳудудидан ўтувчи М-39 йўлининг 830 км.да ҳаракатланиб кетаётган «КАМАЗ» русумли юк автомашинасининг мотор ва кабина қисмида ёнғин содир бўлган.
Юзага келган ёнғинни бартараф этишга Тошкент вилояти Янгийўл туман Фавқулодда вазиятлар бўлимининг 2 та ёнғин-қутқарув гуруҳи жалб этилган. Ёнғин-қутқарувчилар воқеа жойига соат 15:54да етиб бориб, соат 15:58да ёнғин қуршаб олинган ва соат 16:04да тўлиқ ўчирилган.
Ёнғин натижасида юк автомобили ҳайдовчиси қўл қисмидан 3 фоиз куйиш тан жароҳатини олиб, шифокорлар томонидан унга тиббий ёрдам кўрсатилган.
Ҳозирда ёнғин сабаби ва моддий зарар миқдори аниқланмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter