«KAMAZ» rusumli yuk avtomashinasida yong‘in sodir bo‘ldi
Bugun, 26-may kuni soat 15:44da Yangiyo‘l tumani «Registon» MFY hududidan o‘tuvchi M-39 yo‘lining 830 km.da harakatlanib ketayotgan «KAMAZ» rusumli yuk avtomashinasining motor va kabina qismida yong‘in sodir bo‘lgan.
Yuzaga kelgan yong‘inni bartaraf etishga Toshkent viloyati Yangiyo‘l tuman Favqulodda vaziyatlar bo‘limining 2 ta yong‘in-qutqaruv guruhi jalb etilgan. Yong‘in-qutqaruvchilar voqea joyiga soat 15:54da yetib borib, soat 15:58da yong‘in qurshab olingan va soat 16:04da to‘liq o‘chirilgan.
Yong‘in natijasida yuk avtomobili haydovchisi qo‘l qismidan 3 foiz kuyish tan jarohatini olib, shifokorlar tomonidan unga tibbiy yordam ko‘rsatilgan.
Hozirda yong‘in sababi va moddiy zarar miqdori aniqlanmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter