«Катта Наманган канали»да чўкаётган қиз қутқариб қолинди
Ҳодиса кеча, 15 июнь куни соат 19:40ларда Наманган вилояти Чортоқ шаҳар ҳудудидан оқиб ўтувчи «Катта Наманган канали»да юзага келган.
Маълум бўлишича, мазкур ҳудудда хизмат олиб бораётган Чортоқ туман Фавқулодда вазиятлар бўлими ёнғин-қутқарувчилари каналда оқиб кетаёган аёлни кўриб қолган. Шундан сўнг, ФВВ ходимлари зудлик билан қутқарув ишларини амалга оширганлар.
Қутқарувчиларнинг олиб борган тезкор саъй-ҳаракатлари натижасида фуқаро хушсиз ҳолда қутқариб олиниб, биринчи тиббий ёрдам кўрсатилган. Ўзига келтирилган қиз туман тиббиёт бирлашмасига юборилган.
Ҳозирги вақтда қутқарилган инсоннинг аҳволи ўнгланган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter