Криштиану Роналду Тожикистонга келмайди
![Криштиану Роналду Тожикистонга келмайди](https://xabar.uz/static/crop/2/9/920__95_2958666210.jpg)
Дунё футболи юлдузларидан бири, Саудия Арабистонининг «Ан Наср» клуби етакчиси Криштиану Роналду «Истиқлол»га қарши ўйин учун Душанбега келмаслиги маълум бўлди.
Саудия жамоаси Осиё чемпионлар лигаси гуруҳ босқичининг сўнгги учрашувида сафарда Тожикистон чемпионига қарши майдонга тушади. Ўйин 5 декабрь куни маҳаллий вақт билан 19:00 да бошланади.
«Бизга айтишларича, Роналду енгил жароҳат олган, «Ан Наср»дагилар бошқа тафсилотларни айтишмади», – дея ОАВга хабар берган “Истиқлол” клуби матбуот хизмати.
Эслатиб ўтамиз, Тожикистонда португалиялик машҳур футболчининг Душанбе келиш-келмаслиги ҳақидаги баҳслар анчадан бери давом этиб келмоқда. Мамлакат футбол федерацияси Роналду «Ан-Наср» клуби футболчилари рўйхатидан жой олгани ҳақида хабар берганди. Бунинг ортидан ўйинга бўлган қизиқиш ортиб кетган.
«Истиқлол» – «Ан-Наср» учрашуви рекорд даражадаги қиммат ўйинга айланиши кутилмоқда. 100 сомоний қийматидаги чипталар аллақачон сотилиб кетган, 300 сомоний қийматидаги чипталар ҳам тугаш арафасида.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter