АҚШ ва Эрон музокарачилари сулҳ ва ядровий музокараларни бошлаш бўйича 60 кунлик меморандум лойиҳасини келишиб олдилар. Бу ҳақда Axios икки америкалик амалдор ва яна бир хабардор манбага таяниб хабар берди. 

Нашр манбаларига кўра, ҳужжат Ҳўрмуз бўғози орқали божларсиз ёки ҳибсга олинмасдан эркин ўтишни назарда тутади. Эрон шунингдек, 30 кун ичида денгиз йўлагидаги миналарни тозалаш мажбуриятини олади.

Лойиҳага кўра, АҚШ Эрон билан ўз активларини озод қилиш ва санкцияларни юмшатиш масаласини муҳокама қилиши керак. Меморандумда шунингдек, Эронга гуманитар ёрдам олишни бошлаш имконини берувчи механизм ҳақида ҳам сўз боради. 

Axiosʼнинг таъкидлашича, АҚШ президенти Доналд Трамп, шунингдек, Эрон раҳбарияти ҳали меморандум лойиҳасини тасдиқламаган. 

24 май куни Доналд Трамп тинчлик шартномаси лойиҳаси деярли келишиб олинганини айтди. Эрон музокарачилар ҳужжат бўйича алоқада бўлганини тасдиқлади. Бир кун олдин Америка президенти Эрон билан музокаралар жараёнидан норозилигини билдирди ва янги ҳарбий ҳаракатлар бошланиши мумкинлигига ишора қилди.