ОАВ: Путин Зеленскийга ажабтовур таклиф билан чиқди
Россия президенти Владимир Путин Украина етакчиси Владимир Зеленскийга Москвада учрашишни таклиф этган. Бу ҳақда AFP хабар берди.
Музокараларга яқин манбанинг айтишича, Владимир Путин Зеленскийни Доналд Трамп билан телефон мулоқоти чоғида учрашиш учун Москвага таклиф этган.
Украина томони ҳозирча бу маълумотни изоҳламади. Айрим манбаларга кўра, Зеленский таклифни рад этган.
Давлат котиби Марко Рубиога кўра, Путин Зеленский билан учрашувга қарши эмас. Бироқ, Кремл музокараларда Москва ва Киев вакиллари даражасини ошириш ғояси муҳокама қилинганини айтмоқда, Россия президентининг Украина билан учрашишга тайёрлигини на инкор этяпти, на тасдиқлаяпти.
Эҳтимолий учрашув жойлари сифатида Рим, Женева каби вариантлар кўриб чиқилмоқда. Ҳатто Швейцария Путин Женевага келса ҳибсга олинмаслиги ҳақида баёнот берди. Швейцария Халқаро жиноий суд юридикциясида ҳисобланади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter