Хелсинки университети олимларининг илмий гуруҳи мева ва сабзавотларни кўп миқдорда истеъмол қилиш уйқуни яхшилашини аниқлади.

Мутахассислар 18 ва ундан катта ёшдаги 5043 кишини кўнгилли сифатида танладилар. Тадқиқот давомида одамлар овқатланиш ва уйқу сифати билан боғлиқ 134 та саволга жавоб беришди. Бундан ташқари, кўнгиллилар ўзларининг афзал кўрган уйқу вақти ва давомийлиги ҳақида гапириб беришди.

Жавоблар таҳлили шуни кўрсатдики, субъектларнинг 61,7фоизи тартибсиз уйқу шароитига эга, 22,4 фоизи эрталаб ва 15,9 фоизи кечқурун яхшироқ ухладилар. Кўнгиллилар уч гуруҳга бўлинган. Биринчисига кунига етти соатдан кам ухлайдиганлар, иккинчисига етти соатдан тўққиз соатгача, учинчисига уйқуси тўққиз соатгача давом этадиганлар киради.

Олимлар уларнинг диетасини таҳлил қилиб, кунига 400 граммдан ортиқ сабзавот ва меваларни истеъмол қиладиган одамлар соғлом уйқуга эга бўлади, деган хулосага келишди, бу етти соатдан тўққиз соатгача давом этади.

Шунингдек, улар биринчи гуруҳдагилар баргли ва илдизли сабзавотлар, бодринг ва помидорларни камдан-кам истеъмол қилишларини аниқладилар. Бироқ, мутахассислар карам, қўзиқорин, пиёз, нўхат ва ловия уйқу сифатига таъсир қилмаслигини таъкидладилар. Учинчи гуруҳдаги кўнгиллилар эса камдан-кам олма ейишади, деб ёзади Frontiers in Nutrition.