Ўзбекистон 5 ойда қарийб 22,5 мингта кондиционер экспорт қилди
2026 йилнинг январ–май ойларида Ўзбекистон 8 та хорижий давлатга 22 минг 443 дона кондиционер экспорт қилди. Бу ҳақда Миллий статистика қўмитаси маълум қилди.
Қайд этилишича, экспортнинг умумий қиймати 4,6 миллион АҚШ долларини ташкил этди. Бу кўрсаткич ўтган йилнинг мос даврига нисбатан 1,1 минг донага ёки 5,1 фоизга кўпайган.
Энг йирик экспорт бозори Озарбайжон бўлиб, ушбу мамлакатга 7 минг 367 дона кондиционер етказиб берилган.
Кейинги ўринларда Тожикистон 4 минг 775 дона ва Туркия 4 минг 640 дона билан қайд этилган. Шу тариқа ушбу уч мамлакат Ўзбекистон кондиционерлари экспортида етакчилик қилди.
Шунингдек, Қирғиз Республикасига 2 минг 448 дона, Қозоғистонга 1 минг 324 дона кондиционер экспорт қилинган. Қолган 1 минг 889 дона маҳсулот бошқа давлатларга жўнатилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter