«Пробка»лар шаҳрида биринчи метро ишга тушди (фото)
![«Пробка»лар шаҳрида биринчи метро ишга тушди (фото)](https://xabar.uz/static/crop/4/2/920__95_4290643243.jpg)
28 декабр Бангладеш транспорт соҳаси тарихига кирди — пойтахт Даккада илк метро ишга тушди. Бу ҳақда UCA News хабар берди.
Нашр ёзишича, маҳаллий ҳукумат мегаполис тараққиётини секинлаштираётган йўллардаги тиқинларга барҳам бериш устида ишламоқда.
![](https://xabar.uz/static/uploads/58/720__dJRwtaMv2xM4VUZM2tYABIel9km653mr.jpg)
Дакка жаҳоннинг энг аҳолиси кўп шаҳарларидан ҳисобланади. Бу ерда яшовчи 22 млн аҳоли учун ҳар куни автомобиллар билан тўлиб-тошган йўлга отланиш — «ит азоби».
Солиштириш учун: Даккада бутун Қозоғистон ва Тошкент шаҳридагига тенг аҳоли яшайди. Бангладеш ҳудуди (148 460 кв. км.) Ўзбекистонникидан 3 баравар кичик, аҳолиси 4,6 баравар кўп (166,3 млн).
Ҳар йили Дакка иқтисодиёти йўллардаги «пробка»лар оқибатида йўқотилган иш вақтидан $3 миллиарддан зиёд зиён кўради.
Даккадаги илк метро тармоғи сўнгги ўн йил давомида қурилди.
![](https://xabar.uz/static/uploads/58/720__GTNjelGgbV6o2tJJ1hcnS_D5ZHmKqr02.jpg)
Дакканинг марказини ва чекка туманини туташтирувчи илк метро тармоғи 28 декабрдан ишга тушди. Лойиҳа учун Бангладеш ғазнасидан $2,8 млрд сарфланди.
![](https://xabar.uz/static/uploads/58/720__0iyqEYspQo6zmwfpiJEXfNliocAfIzLd.jpg)
2030 йилда метро бутун шаҳарни қамраб олади, станциялари сони 100 тадан ошади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter