Қулаётган дронлар британларнинг бошига тушмоқда
Буюк Британия фуқаро авиацияси бошқармаси («The Civil Aviation Authority») «DJI» русумли дронларнинг парвозини вақтинчалик тақиқлади. Негаки улар бир тушунарсиз носозлик сабаб ёппасига ерга қулай бошлади, дея хабар берди «Digital Trends».
Аниқроғи, муаммо «DJI» 2017 йили чиқарган «Matrice 200» дронларида. Оғирлиги 3,8 килограммлик бу дронлар охирги пайтларда беқарор уча бошлагани, ерга қулаётгани, ҳатто одамларнинг бошига келиб тушгани қайд этилган. Бахтли тасодиф туфайлигина ҳозирча ҳеч кимса «Matrice 200» қулашидан талофат кўрган эмас.
ФАБ носозлик тўғрилангунига қадар «Matrice 200»ларни учиришни тақиқлади. Бунга жавобан «DJI» ички суриштирув ўтказишга ваъда берди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter