Расман! Ўзбекистонда коронавирус билан касалланиш ҳолати аниқланди
Ўзбекистонда Франциядан учиб келган беморда COVID-19 коронавирус инфекцияси аниқланди. Бу ҳақда Ўзбекистон Республикаси Соғлиқни сақлаш вазирлиги ҳузуридаги Санитария-эпидемиологик осойишталик агентлиги директори Б.Алматов маълум қилди.
Унинг қайд этишича, бугун, 15 март куни соат 6:00 да Республика Вирусология институти лабораториясида Францияда бўлиб қайтган бир нафар Ўзбекистон фуқаросида COVID-19 коронавирус инфекцияси аниқланган.
Ҳозирда эпидемиологик суриштирув ҳамда касалликни тарқалиб кетмаслиги учун профилактик чора-тадбирлар тўлиқ амалга оширилмоқда.
Ушбу ҳолат юзасидан қўшимча маълумот тақдим этилади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter