Санкт-Петербургда оғир аҳволда қолган юздан ошиқ ўзбекистонлик қайтарилади
Россиянинг Санкт-Петербург шаҳрида оғир ҳаётий вазиятда қолган 100 дан ортиқ Ўзбекистон фуқаролари юртимизга олиб келинади. Бу ҳақда "Дунё" АА хабар берди.
Мазкур инсонпарварлик кўмаги Ўзбекистонда 30 июлдан 30 августгача эълон қилинган "Ватанга қайтариш" лойиҳаси доирасида мамлакат Бош консулхонаси ва Миграция агентлиги ваколатхонаси кўмагида амалга ошириляпти.
Акцияси доирасида Санкт-Петербург шаҳрида оғир ҳаётий вазиятда бўлган 100 дан ортиқ Ўзбекистон фуқароларига Ватанга қайтиш сертификатлари ва авиачипталар тақдим этилди. Улар 18 август куни Ўзбекистонга кузатиб қўйилади.
Бундан ташқари, 33 нафар юртдошимизга, шу жумладан, Хорижий фуқароларни вақтинча сақлаш марказида бўлган ва оғир моддий аҳволда қолган ватандошларга моддий ёрдам кўрсатилди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter