Си Цзинпин, Путин ва Трамп G20 саммитига бормайди
Хитой раҳбари Си Цзинпин Йоханнесбургда бўлиб ўтадиган G20 саммитида иштирок этмайди, дея хабар беради Хитой дипломатик манбалари Die Zeit нашрига. Хитой номидан Бош вазир Ли Цян қатнашади.
Аввалроқ АҚШ президенти Доналд Трамп ва Россия президенти Владимир Путин ҳам саммитдаги иштирокини бекор қилганди. G20 тарихида биринчи марта гуруҳнинг учта йирик давлати етакчилари қатнашмайди.
G20 саммити 21 ва 22 ноябр кунлари Йоханнесбургда бўлиб ўтади. Трамп 2025 йилнинг бошида Жанубий Африкага бормаслигини, чунки мамлакат Европа мустамлакачиларининг авлодларидан ерларни тортиб олаётганини айтган эди. Сентябр ойида Доналд Трамп унинг ўрнига АҚШ вице-президенти Ж.Д.Венс Йоханнесбургга боришини айтган эди.
Россия раҳбари Владимир Путин эса Халқаро жиноий суд ордери туфайли ЖАРга бора олмайди. ХЖС 2023 йил мартида Путинни қамашга ордер берганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter