«Соф инглизча қотиллик»: эр мерос учун хотинини ўлдирганликда айбланмоқда
Британиялик Льюис Беннетт хотини Изабелла Ҳелманни ўлдириб, катамаранни чўктириб юборган, у шу тарзда турмуш ўртоғининг мулкига эга чиқмоқчи бўлган, дейишмоқда прокурорлар. «Sky News» бу ҳақда хабар берди.
Воқеа ўтган йил май ойида содир бўлган, бироқ тафсилотлари энди очиляпти. Ўшанда эр-хотин катамаран қайиғида Флоридадаги уйлари томон сузиб кетишаётганди. Беннетт SOS сигнали жўнатиб, рафиқаси йўқолиб қолганини хабар қилади. Бу пайтда қайиқ чўкаётганди.
Эркак қутқарув соли воситасида қирғоққа етиб олган. Хотини эса изсиз йўқолган. Телеканал хабарига кўра, аёл ҳалок бўлган деб топилса, Флорида штати (АҚШ)даги унга қарашли уй ва пуллари эрига мерос қолади. Ҳуқуқни муҳофаза қилувчи органлар айнан шу ҳолат эҳтимолий қотилликка сабаб бўлганини далил сифатида келтиришмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter