Трамп Эронга Ҳўрмуз бўғозини очиш учун 48 соат вақт берди
АҚШ президенти Дональд Трамп Эронга кескин ультиматум билан чиқди. Унинг баёнотига кўра, агар Теҳрон 48 соат ичида Ҳўрмуз бўғозини тўлиқ очмаса, АҚШ ҳарбий чора кўриши мумкин.
«Агар Эрон 48 соат ичида Ҳўрмуз бўғозини тўлиқ ва таҳдидсиз очмаса, АҚШ уларнинг электр станцияларига зарба беради ва йўқ қилади», – деб ёзди Трамп Truth Social тармоғида.
Трамп, айниқса Эроннинг йирик энергетика объектларини нишонга олиш мумкинлигини таъкидлади. «Зарба энг катта электр станциясидан бошланади», деди у.
Трампнинг бу баёноти Яқин Шарқдаги вазиятни янада кескинлаштириши мумкин.
Таҳлилчилар фикрича, агар АҚШ Эрон энергетика инфратузилмасига зарба берса, можаро янада кенгайиши, минтақадаги нефть ва газ объектлари нишонга айланиши эҳтимоли юқори.
Ҳозирча Эрон томони ушбу ультиматумга расмий жавоб бермаган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter