Трамп ва Путин учрашадиган жой аниқ бўлди
Оқ Уй Россия ва АҚШ президентлари Владимир Путин ва Доналд Трамп учрашуви ўтказиладиган жойни маълум қилди. Бу Алясканинг Анкориж шаҳри ҳисобланади.
Оқ Уй матбуот котиби Кэролин Лейвиттнинг брифингда айтишича, Америка етакчиси Украинадаги “ҳарбий ҳаракатларни тўхтатишга қатъий қарор қилди”. Брифинг Associated Press'нинг Youtube каналида намойиш этилди.
Россия томони ҳозирча Путин ваТрамп ўртасидаги музокаралар қаерда бўлишини изоҳламади. Аввалроқ Россия президенти Аляскага 15 август куни етиб бориши ҳақида хабар берилганди.
Учрашувнинг асосий мавзуси Украинадаги келишув бўлади. Шу билан бирга, Украина президенти Владимир Зеленский бугун Россия-АҚШ саммити Украина инқирози билан боғлиқ ҳеч қандай муаммони ҳал қила олмаслигини таъкидлади.
Унинг сўзларига кўра, бу воқеа фақат Москва ва Вашингтон ўртасидаги икки томонлама муносабатларга тегишли.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter