АҚШ вице-президенти Ж.Д.Вэнс, агар Америка етакчиси Доналд Трампга бирор нарса бўлса, давлат раҳбари бўлишга тайёрлигини айтди.

Шу билан бирга, Вэнс Доналд Трамп президентлик муддати охиригача ўз лавозимида қолишига ишонч билдирди. 

"Охирги 200 кун ичида мен иш жойимда яхши тайёргарликдан ўтдим", деди Вэнс USA Today нашрига берган интервьюсида. Унинг қайд этишича, Доналд Трампнинг саломатлиги яхши. "У ақл бовар қилмайдиган энергияга эга", дея қўшимча қилди вице-президент. 

 Ж.Д.Вэнс 41 ёшда. У 2023 йил январ ойидан буён у АҚШ Конгрессида Огайо штатидан республикачи сенатор бўлиб ишлаган. 2016 йилги сайловлар олдидан Вэнс Доналд Трампни танқид қилган, бироқ ўз позициясини ўзгартирган ва 2020 йилги сайловларда уни қўллаб-қувватлаган. Сиёсатга киришдан олдин АҚШ денгиз пиёдалари корпусида хизмат қилган, Ироқдаги ҳарбий амалиётлар пайтида мухбир бўлган, сўнгра Йел университети юридик факултетини тамомлаган. 

6 август куни Доналд Трамп Ж.Д.Вэнсни 2028 йилги президентлик сайловларда республикачилардан номзод сифатида кўрсатиши мумкинлигини айтганди.