Туркияда 19 ёшли йигит 75 йиллик қамоқ жазосига ҳукм қилинди
SABAH нашри хабарига кўра, 2024 йил август ойида пичоқ ва болта билан қуролланган, ҳужумга қарши дубулға кийган йигит кафеда тасодифий ўткинчиларга ҳужум қилади. Ҳужумнинг даҳшатли томони йигитнинг жилетига маҳкамланган мобил телефон ёрдамида ижтимоий тармоқлар орқали воқеанинг жонли эфирга узатганлиги эди. Ҳодиса оқибатида 52 дан 88 ёшгача бўлган беш киши жароҳатланган.
фото: SABAH
Суд ишни ёпиқ мажлисда кўрди. Ва Арда Кючюкйетим кексаларни нишонга олганликда айбланган. Прокуратура уни қотилликка уриниш ва бошқаларни хавф остига қўйишда айблаб, 108 йиллик қамоқ жазосини сўраган.
Нашрнинг ёзишича, Эскишеҳир оғир жиноий ишлар суди ёпиқ суд мажлисида Арда Кючюкйетимга нисбатан ўз ҳукмини эълон қилиб, уни 75 йил 5 ойлик қамоқ жазосига ҳукм қилди.
Туркия оммавий ахборот воситалари унинг ҳаракатлари ва PUBG компютер ўйинидан илҳомлангани ўртасидаги боғлиқликни таъкидлади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter