Яна учта лавозим ўзгариши эълон қилинди
Бугун бир қатор тайинловлар амалга оширилгани, айрим вазир ўринбосарлари лавозимидан озод этилгани ҳақида хабар қилинганди.
Маълум қилинишича, яна бошқа лавозим ўзгаришлари ҳам бўлган. Жумладан:
Бахтиёр Атамурадов «Ўзбекчорванасл» агентлиги директори лавозимига тайинланди ва шу муносабат билан Ветеринария ва чорвачиликни ривожлантириш давлат қўмитаси раисининг ўринбосари – «Ўзбекчорванасл» агентлиги директори лавозимидан озод этилди.
Фазлиддин Умаров ДСҚ ҳузуридаги Кадастр агентлиги директори лавозимига тайинланди ва шу муносабат билан ДСҚ раисининг биринчи ўринбосари – ДСҚ ҳузуридаги Кадастр агентлиги директори лавозимидан озод этилди.
Баходир Юсупалиев Санитария-эпидемиологик осойишталик ва жамоат саломатлиги хизмати бошлиғи лавозимига тайинланди ва шу муносабат билан соғлиқни сақлаш вазирининг ўринбосари – Санитария-эпидемиологик осойишталик ва жамоат саломатлиги хизмати бошлиғи лавозимидан озод этилди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter