Япониянинг шимоли-шарқидаги кучли зилзила оқибатида жабрланганлар сони 150 кишига етди, дея хабар берди «Киодо» агентлиги.

9 префектурада, шу жумладан, Фукусима, Мияги, Тотиги, Ибараки ва бошқаларда жабрланганлар тўғрисида маълумотлар тўпланди. Турли даражада жароҳат олганларнинг энг кўп сони Фукусима префектурасида қайд этилган — у ерда камида 78 киши жароҳат олган. Мияги префектурасида камида 55 киши жароҳат олди.

Қурбонлар ҳақида ҳали маълумот йўқ.

Япониянинг шимоли-шарқида Тинч океанининг Фукусима префектураси ҳудудида 23:08 да 7,3 балли зилзила содир бўлди. Ўчоқ 55 километр чуқурликда жойлашган. Фукусима ва Мияги префектурасида максимал силкиниш етти балли япон шкаласи бўйича 6+ ни ташкил этди. Зилзила Токиода ҳам сезилган, пойтахт марказида зилзила кучи тахминан 4 баллни ташкил этган.

Якшанба куни кундузи Фукусима префектураси ҳудудида 5,2 балли афтершок қайд этилди.

Ушбу ҳудуддаги атом электр станцияларида фавқулодда ҳолат ёки радиация чиқиши аниқланмаган. Ҳукуматнинг маълум қилишича, Токио жойлашган Канто ҳудудида, пойтахтнинг ўзи ва Тохоку ҳудудидан ташқари қарийб 1 миллион уй электрсиз қолган. Якшанба куни тушдан кейин аксарият ҳудудларда электр таъминоти деярли тўлиқ тикланди.