Украина Беларусга ҳужум қилмаслик тўғрисида шартнома тузишни таклиф қилди, дея хабар бермоқда Белта президент Александр Лукашенко баёнотига таяниб.

Дастлаб, Украина президенти Владимир Зеленский Украина Беларусга ҳужум қилмоқчи эмаслигини таъкидлаб, шундай баёнот берган:

«Украина расман таклиф қилган ҳамма нарсани эшитасиз. Биз Беларусга ҳужум қилмоқчи эмасмиз ва буни ҳеч қачон режалаштирмаганмиз. Бундай ниятлар йўқ», – дейди Владимир Зеленский.

Бу таклифга Александр Лукашенко шундай муносабат билдирган:

«Украиналиклар нега бундай қилишаётганини билмайман. Бир томондан, улар биздан Украина билан уришмасликни, қўшинларимиз у ерга силжишмаслигини сўраяпти. Улар ҳужум қилмаслик тўғрисидаги пактни имзолашни таклиф қилмоқда. Бошқа томондан эса Беларус миллий хавфсизлигига потенциал таҳдид соладиган жангариларни тайёрлашни давом эттирмоқда. Полша, Литва умуман ақлдан озган. Уларга бу нимага керак, тушунарсиз. Шунинг учун кескин муносабат билдиришга мажбурмиз», – дейди Лукашенко.

Лукашенконинг таъкидлашича, Европа Иттифоқи ва Украинанинг қўшни давлатларининг қуролли тузилмалари Беларус чегараси яқинида тўпланган. Улар тахминан 23,5 минг киши, улардан 17,2 минг нафари Украинадан ва 3,7 минг нафари Польшадан.