«Манчестер Сити» Абдуқодир Ҳусанов трансферини эълон қилди
«Манчестер Сити» ўзбекистонлик ҳимоячи билан 2029 йилгача шартнома тузди. У 45-рақамда тўп суради.
Манчестер клуби 20 ёшли футболчи учун «Ланс»га 40 млн евро тўлайди. Бу қиймат бонуслар ҳисобига яна ортиши мумкин.
Шу тариқа Ҳусанов Англия Премер-лигасида ўйнайдиган биринчи ўзбек футболчисига айланди. Шунингдек, Абдуқодир ўзбек ўйинчилари орасида энг қиммат трансфер бўлди. Аввалги рекордчи 2021 йил «Женоа»дан «Рома»га 18 млн еврога ўтган Элдор Шомуродов эди.
Шунингдек, ҳимоячи «Ланс» тарихида ҳам энг қиммат трансферга айланди. Франция клуби Ҳусановни 2023 йил июл ойида «Энергетик-БГУ»дан атига 100 минг еврога сотиб олганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter