«Мальмё» фанатлари «Ибрагимович»ни бурунсиз қолдиришди
Швециянинг «Мальмё» футбол клуби фанатлари клубнинг ва мамлакат терма жамоасининг собиқ футболчиси Златан Ибрагимовичнинг ҳайкалига яна бир марта зарар етказишди. Безорилар бронза ҳайкалнинг бурнини арралаб кетишган, камига ҳайкалга кумуш бўёқ сепиб ҳам кетишган, дейилади «Sportbladet» хабарида.
Златан Ибрагимович «Мальмё»нинг азалий рақиби — «Хаммарбю» ФК акцияларининг 50 фоизини сотиб олгани фанатларнинг ғазабини қўзғаган.
Златаннинг ҳайкали ўрнатилганига кўп бўлмасидан (ўн кунча бўлганди) асос қисми кесиб, камига ёқиб юборилганди. Шундан сўнг уни темир тўсиқ билан ўраб қўйишди. Аммо бу мальмёлик фанатларга унинг бурнини кесиб, бўёқ чаплаб кетишларига тўсиқ бўлолмади. Фанатизм...
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter