1 октябрдан педагог ходимларнинг маоши 15 фоизга оширилади
Президент Шавкат Мирзиёев педагог ходимлар билан ўтказилаётган учрашув давомида ўқитувчиларнинг маоши 15 фоизга оширилишини маълум қилди.
– Муаллимларни қўллаб-қувватлашни, уларнинг меҳнатини муносиб рағбатлантиришни албатта давом эттирамиз. Мана, 1 октябрдан педагог ходимлар иш ҳақини 15 фоизга оширдик, – деди давлат раҳбари.
Президент томонидан таъкидланишича, келгуси ўқув йилидан халқаро стандартлар асосида малака сертификатини бериш йўлга қўйилади. Синовларда 86 ва ундан юқори балл олган педагоглар қўшимча 70 фоиз устама олади.
– Мисол учун, олий тоифали биология ўқитувчиси ўз фани бўйича халқаро сертификати бўлса – 50 фоиз, директор жамғармасидан 40 фоизгача ва янги талабга жавоб берса, яна 70 фоиз устама олади. Шу тариқа унинг умумий ойлик маоши 4 миллион 500 минг сўмдан 12 миллион сўмга етади, – деди Шавкат Мирзиёев.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter