Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Парламент эшитуви: Тўрт вазирлик раҳбарлари ахборот берди

Парламент эшитуви: Тўрт вазирлик раҳбарлари ахборот берди

Фото: «Xabar.uz»

Бугун, 12 сентябрь куни парламент қуйи палатасидаги ЎзЛиДеП ва «Миллий тикланиш» демократик партияси фракциялари депутатларидан иборат Демократик кучлар блоки ташаббуси билан «Ахборот тарқатиш соҳасидаги қонунчиликни янада такомиллаштириш» мавзусида парламент эшитуви ўтказилди.

Мажлис кун тартибидаги масала юзасидан Ўзбекистон Республикаси ахборот технологиялари ва коммуникацияларини ривожлантириш вазири Шуҳрат Содиқов, Олий ва ўрта махсус таълим вазири Иномжон Мажидов, Халқ таълими вазири Шерзод Шерматов ҳамда Маданият вазирининг биринчи ўринбосари Озодбек Назарбековларнинг ахборотлари тингланди.

Фото: «Xabar.uz»

— Интернет тармоғидаги ахборотдан самарали ва мақсадли фойдаланишни шакллантириш учун биринчи навбатда ундан фойдаланиш маданиятини юксалтириш ҳамда хавфсиз интернет муҳитини шакллантириш борасидаги ишлар самарадорлигини ошириш муҳим аҳамият касб этади,  — деди АКТ вазири Ш.Содиқов ўз ахборотида. — Бугунги кунда Ўзбекистонда ахборот соҳасини ривожлантириш ва унинг хавфсизлигини таъминлаш йўналишини тартибга солувчи 20дан ортиқ қонунларда конституциявий тамойиллар (сўз эркинлиги, ахборотдан фойдаланиш эркинлиги, шахсий маълумотлар ҳимояланиши ва бошқалар) ўз ифодасини топган. «Ахборотлаштириш тўғрисида»ги қонуннинг 12-1-моддасига мувофиқ, интернет жаҳон ахборот тармоғида, хусусан, оммавий ахборот воситаларида ахборот тарқатиш бўйича муайян талаблар белгиланган.

Мажлисда АКТ вазири интернет тармоғида миллий контентни ривожлантириш, ахборот тарқатишда ахборот хавфсизлигини таъминлаш ва телекоммуникация технологиялари инфратузилмасини ривожлантириш, қонун ҳужжатлари лойиҳаларини аҳоли ва тадбиркорлик субъектлари билан муҳокама қилиш, телерадиоэшиттиришлар ва даврий нашрларни тарқатиш йўналишларда вазирлик томонидан амалга оширилган ва оширилаётган ишлар, келгусидаги асосий вазифаларга батафсил тўхталди. Шунингдек, вазир Олий Мажлис Қонунчилик палатаси депутатларининг саволларига атрофлича жавоб берди.

Эслатиб ўтамиз, вазирлик ахборот технологиялари ва коммуникацияларини қўллаш орқали ахборот тарқатиш соҳасида ягона давлат сиёсатини белгиловчи «Ахборотлаштириш тўғрисида»ги, «Телекоммуникациялар тўғрисида»ги, «Электрон тижорат тўғрисида»ги, «Электрон рақамли имзо тўғрисида»ги, «Почта алоқаси тўғрисида»ги ва бошқа Ўзбекистон Республикасининг Қонунлари асосида фаолиятини олиб бормоқда.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг