Ramazon oyining boshlanish kuni o‘zgardi (yangi taqvim)
Bugun, 11-may kuni O‘zbekiston musulmonlar idorasida Ramazon oyini har tomonlama ko‘tarinki va tartibli o‘tkazish bo‘yicha jurnalistlar hamda diniy soha vakillari ishtirokida brifing o‘tkazildi.
Bu haqda «Xabar.uz» manbasi xabar bermoqda.
Bo‘lib o‘tgan brifingda yurtimizda Ramazon oyining boshlanishi haqida ham ma’lumot berildi. Xabar qilinishicha, 2018-yil ramazon oyining 1-kuni avval xabar berilganidek va taqvimlarda ko‘rsatilganidek 16-may kuni emas, 17-may kuniga to‘g‘ri kelyapti.
Taqvimlarda ham Ramazon oyining boshlanishi oy ko‘rinishiga qarab bir kunga surilishi mumkinligi haqida maxsus eslatma bor edi. Bu yil ayni shu eslatma ishga tushdi.
«Xabar.uz» axborot-tahliliy portali ijodiy jamoasi barcha musulmonlarni bu muqaddas oyning kirib kelishi munosabati bilan samimiy qutlaydi.
Foto: «Xabar.uz»
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter