Soxta qarzdorlikdan «pul ishlamoqchi bo‘lgan» gaz xodimi ushlandi
Andijon viloyatida soxta qarzdorlik evaziga pora talab qilgan gazchi ushlandi.
Bosh prokuratura huzuridagi Departamentning Oltinko‘l tumani bo‘limi, «Hududgaz Andijon» komplayens xizmati va boshqa huquqni muhofaza qiluvchi organ xodimlari hamkorligida tezkor tadbir o‘tkazilgan.
Unda «Oltinko‘ltumangaz» gazchisi X.I. fuqaro F.P.ning xonadonida tabiiy gazdan qarzdorligi bo‘lmasa-da, go‘yoki gaz hisoblagichi nosozligi sababli 8 mln so‘m qarzdorlik mavjudligini aytib, agar 3 mln so‘m bersa dalolatnoma rasmiylashtirmasdan qarzdorligini yo‘q qilib berishini aytib, 3 mln so‘mni olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilib, tergov harakatlari o‘tkazilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter