Onlayn qimorni targ‘ib qilgan ikki blogerga chora ko‘rildi
Ijtimoiy tarmoqlarda bir necha yuz minglab kuzatuvchilariga ega bo‘lgan blogerlar o‘zlariga tegishli sahifalarda bukmekerlik xizmatlarini reklama qilayotgan holatlari kuzatilgan.
Raqobat qo‘mitasining ma’lum qilishicha, fuqarolar – A.Shamsiddinov (amirxon_uzbek) hamda D.Ilyosov (donik_krash)lar qimor o‘yinlarini targ‘ib qiluvchi sahna ko‘rinishlari orqali joylashtirilgan video-roliklarida «Melbet» bukmekerlik tovar belgisidan foydalangan.
Yuqoridagi holatlar yuzasidan Qo‘mita tomonidan blogerlar belgilangan tartibda ma’muriy javobgarlikka tortilib, tegishli hujjatlar sudga yuborilgan.
Ma’lumot uchun, «Reklama to‘g‘risida»gi qonuniga ko‘ra, mamlakat hududida qimor o‘yinlari va tavakkalchilikka asoslangan boshqa o‘yinlarni reklama qilish taqiqlanadi. Bunday faoliyatni reklama qilish tegishli javobgarlikka sabab bo‘ladi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter