Tez tibbiy yordam markazi bo‘lim mudiri pora bilan ushlandi
Buxoro viloyatida tibbiyot muassasasiga ishga joylashtirib qo‘yishni va’da qilgan shaxs ushlandi.
Bosh prokuratura huzuridagi Departamentning Buxoro shahri bo‘limi va boshqa huquqni muhofaza qiluvchi organ xodimlari hamkorligida tezkor tadbir o‘tkazilgan. Unda Tez tibbiy yordam markazi Buxoro viloyati filialida bo‘lim mudiri vazifasida ishlovchi N.B. (hozirda sobiq) fuqaro M.Sh.ni Buxoro shahridagi tibbiyot muassasalaridan biriga ishga joylashtirib qo‘yishi evaziga 1 600 AQSh dollarini olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 25, 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter