Android qurilmalar uchun Xabar.uz mobil ilovasi. Yuklab olish ×
IOS qurilmalar uchun Xabar.uz mobil ilovasi. Yuklab olish ×

12 kunda mashinasining oynasini qoraytirgan 500ga yaqin haydovchi aniqlandi

12 kunda mashinasining oynasini qoraytirgan 500ga yaqin haydovchi aniqlandi

Foto: «drive2.com»

Joriy yil 19-mart – 1-aprel kunlari O‘zbekiston avtomobil yo‘llarida 257 marta yo‘l-transport hodisasi sodir etilgan. Bu haqda O‘zbekiston Respublikasi IIV Yo‘l harakati xavfsizligi bosh boshqarmasi matbuot xizmati O‘zAga xabar qildi.

YTH oqibatida 248 nafar fuqaro jarohatlangan, ularning orasida halok bo‘lganlar ham bor.

O‘tgan 2 hafta davomida yo‘l-patrul xizmati inspektorlari tomonidan jami 160 ming 586 ta qoidabuzarlik aniqlangan. Ularning 73 ming 737 tasi qo‘pol qoidabuzarlik sifatida qayd etilgan. Jumladan, 3 ming 210 nafar haydovchi transport vositasini mast holda boshqargan, 25 ming 548 holatda belgilangan tezlik talabi buzilgan. 1 ming 775 haydovchi svetofor va chorrahalardan o‘tish qoidasiga amal qilmagan.

Shuningdek, transport vositasining oynalarini me’yoridan ortiqcha qoraytirgan 490 ta, harakat vaqtida telefondan foydalangan 1 ming 512 ta va xavfsizlik kamarini taqmasdan harakatlangan 32 ming 586 haydovchiga nisbatan ma’muriy bayonnomalar rasmiylashtirilib, tegishli choralar ko‘rilgan.

Izohlar 0

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring