Abe: «Yaponiya yadroviy qurolsizlanish yetakchisi bo‘lmog‘i kerak»
![Abe: «Yaponiya yadroviy qurolsizlanish yetakchisi bo‘lmog‘i kerak»](https://xabar.uz/static/crop/6/8/920__95_682429749.jpg)
Yaponiya bosh vaziri Sindzo Abe o‘z mamlakati yadroviy qurolsizlanish harakati yetakchisi bo‘lishi kerakligini aytdi. Bu haqda TASS xabar bergan.
— Atom bombardirovkasi dahshatlarini his qilib ko‘rgan yagona mamlakat sifatida biz yadroviy qurolsizlanish harakati boshida turishimiz, yadro qurolidan xoli dunyoga erishish uchun amaliy harakatlar qilishimiz zarur, — dedi u Xirosima atom bombardirovkasi qurbonlari xotirasiga bag‘ishlangan marosimdagi nutqida.
Bundan tashqari, bosh vazir xibakusya — Xirosima va Nagasaki atom bombardirovkasi jabrlanuvchilariga yordam ko‘rsatish dasturini kengaytirishga va’da berib, yoshlarni atom quroliga qarshi harakatga jalb qilish borasida ish olib borish kerakligini ta’kidladi.
6-avgust kuni Xirosimaga atom bombasi tashlanganiga 73 yil to‘ldi. Mahalliy vaqt bilan soat 8:15 da (shu paytda shahar osmonida uran snaryadi portlagan) bir daqiqalik sukut e’lon qilindi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter