Bolaning ishtahasi yo‘q, nima qilish kerak?
![Bolaning ishtahasi yo‘q, nima qilish kerak?](https://xabar.uz/static/crop/2/5/920__95_2500572474.jpg)
Bolaning ishtahasi kamayishi turli sabablarga ko‘ra yuzaga kelishi mumkin, masalan, kasallik, stress, kun tartibidagi o‘zgarishlar yoki hatto ruhiy salomatlik muammolari tufayli. Shuning uchun, ba’zi usullar bir bolaga mos kelishi mumkin, ammo boshqasi uchun foyda bermasligi mumkin.
Zakon.kz nashri bolalarning ovqat hazm qilishni yaxshilash bo‘yicha bir nechta tavsiyalar va ishtaha yo‘qlishi sabablarini jamladi.
Farzandimning ishtahasi juda yomon, nima qilishim kerak?
Shifokorga tashrif buyuring. Ko‘pincha, bola uni nima bezovta qilayotganini ayta olmaydi, shuning uchun birinchi navbatda pediatr bilan bog‘laning va u bilan ishtahani kamaytirishi mumkin bo‘lgan sabablarni muhokama qiling. Agar ishtaha yo‘qolishi uzoq vaqt davom etsa yoki boshqa alomatlar bilan birga bo‘lsa, bolaning sog‘lig‘ida jiddiy muammolar yo‘qligiga ishonch hosil qilish yaxshiroqdir.
Ovqatlanish paytida qulay muhit yarating. Bolaning tinch va qulay muhitda ovqatlanishi muhimdir. Farzandingiz uchun to‘g‘ri variantni topish uchun har xil turdagi oziq-ovqatlarni sinab ko‘rishingiz mumkin. Agar u o‘zi ovqatlana olsa, unga taomni yedirib qo‘yish tavsiya etilmaydi. Ovqatlanish oilangizning barcha a’zolarini birlashtiradigan kundalik yaxshi an’ana bo‘lishi kerak.
Taomlanish tartibiga amal qiling. Foydali va mazali mahsulotlar bilan ovqatlanish bolangizning ishtahasi ochilishiga yordam beradi. Shu bilan birga, kundalik tartibni buzmaslik uchun nonushta, tushlik va kechki ovqatni jadvaliga muvofiq belgilangan vaqtda qilish muhimdir. Bu ovqat hazm qilishni yaxshilashga yordam beradi va tanani kerakli ozuqaviy moddalar bilan o‘z vaqtida ta’minlaydi. Bundan tashqari, u kun davomida energiya darajasini teng darajada ushlab turadi, metabolizmni yaxshilaydi va bolangiz uchun sog‘lom vaznni saqlashga yordam beradi.
Farzandingizga stressni kamaytirishga yordam bering. Farzandingiz bilan gaplashib, uning ishtahasiga ta’sir qilishi mumkin bo‘lgan muammolar yoki tashvishlar bor-yo‘qligini bilib oling. Siz suhbatni quyidagi savol bilan boshlashingiz mumkin: «O‘zingni qanday his qilyapsan?» Bu bolaga o‘z his-tuyg‘ularini ochish va baham ko‘rish imkonini beradi. Keyin uni nima bezovta qilayotgani haqida gapirishni taklif qiling va muammoni birgalikda hal qilish yo‘llarini topishga urining. Farzandingiz hali gapirmasa, u bilan ko‘proq vaqt o‘tkazishga harakat qiling.
Sog‘lom yeguliklar taklif qiling. Farzandingizga meva, sabzavot, yogurt yoki yong‘oq kabi turli xil foydali yeguliklar berishga harakat qiling. Odam ulhayganida ham ko‘pincha bolaligida ovqatlangan narsani xush ko‘radi. Farzandingizni go‘daklikdan sog‘lom ovqatlanishga o‘rgating, shunda siz uning ishtahasini yaxshilaysiz va gastrit hamda ovqat hazm qilish bilan bog‘liq boshqa kasalliklar xavfini kamaytirasiz.
Nima uchun bolaning ishtahasi yo‘q?
Sabablar ro‘yxati:
- Kasallik yoki lohaslik.
- Stress va bezovtalik
- Noto‘g‘ri ovqatlanish.
- Ovqatlar orasida ortiqcha shakarli yemaklar.
- Bemaza taomlar.
- Ovqat hazm qilish muammolari.
- Dori vositalarining nojo‘ya ta’siri.
- Jismoniy faollikning yetishmasligi.
Har bir bola individualdir, shuning uchun siz bolada vazn va ishtaha yo‘qolayotganini sezsangiz, darhol pediatrga murojaat qilishingiz kerak. Bunday kasalliklarning oldini olish uchun uyda qulay shart-sharoitlarni yaratishga harakat qiling va agar yoshi yetarli bo‘lsa, bolangizni to‘garaklarga yozdiring yoki turli foydali mashg‘ulotlar bilan shug‘ullantiring.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter