Buxoro viloyat bojxona boshqarmasi xodimlari «Olot» chegara bojxona postiga qo‘shni mamlakatdan kirib kelgan yuk avtomashinasida 1 milliard 540 mln so‘m bo‘lgan 2 xil turdagi «RefronR-22» hamda «Westron R-22» yozuvli freon tovarlari borligi aniqladi. O‘rnatilgan tartibda bojxona nazorati o‘tkazilayotganda ushbu freonlarning kuzatuv hujjatlarida qayd etilmagani ma’lum bo‘lgan.

Viloyat bojxona boshqarmasi axborot xizmatining «Xabar.uz»ga bildirishicha, «O‘zbekiston Respublikasi Vazirlar Mahkamasining 2018-yil 9-yanvardagi «Ozonni buzuvchi moddalar va tarkibida ozon bo‘lgan mahsulotlarning O‘zbekiston Respublikasiga importini tartibga solishni yanada takomillashtirish chora-tadbirlari to‘g‘risida»gi qarorga muvofiq, «Refron R-22» hamda «Westron R-22» freonlari importi va eksporti Ekologiya va atrof-muhitni muhofaza qilish davlat qo‘mitasi tomonidan beriladigan ruxsatnomalar asosidagina amalga oshiriladi.

Holat yuzasidan bojxona organlari tomonidan surishtiruv harakatlari olib borilmoqda.

Laylo Hayitova