«Jurnalistlargayam ish yo‘qmikin?»
![«Jurnalistlargayam ish yo‘qmikin?»](https://xabar.uz/static/crop/1/1/920__95_1126936403.jpg)
Shavkat Mirziyoyev GTL zavodining markaziy boshqaruv pultida ishlayotgan yoshlar bilan suhbatlasha turib, operator Quanishbay Tlemuratovdan qancha oylik olayotganini so‘radi. Shu yerda ishchilarva OAV vakillari bilan qisqa muloqot bo‘lib o‘tgan.
— Oylik qancha? — deb so‘ragan davlat rahbari.
— 15 million (so‘m), — degan Quanishbay Tlemuratov.
— Mendan ancha ko‘p olarkansiz, — deya suhbatga qo‘shilgan Kun.uz muxbiri Abror Zohidov hazillashib.
— Uyga qancha yuborasiz? — Mirziyoyev yana savol bergan.
— Hammasini. 3 mahal ovqat, yotoq-joy, transport tekin-da, deya javob bergan ishchi-xodim.
Prezident shu paytda jurnalistlarga qarab:
— Eshitdilaringizmi? — degan.
— Jurnalistlarga ham ish yo‘qmikin? — deb hazilni davom ettirgan O‘zA rahbari o‘rinbosari Xushnudbek Xudoyberdiyev.
Hamma kulib yuborgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter