Shimoliy Koreya yetakchisi Kim Chen Inning singlisi Kim Yo Chenning fikricha, Janubiy Koreya va Ukraina «ikki tomchi suv kabi o‘xshash» va «AQSh tomonidan parvarishlangan betarbiya itlarga» o‘xshaydi.

Koreya mehnat partiyasi markaziy qo‘mitasi bo‘lim boshlig‘i o‘rinbosarining aytishicha, Seul va Kiyev yadro quroliga ega davlatlarga «yaltoqlanib», «kulgili safsata» tarqatmoqda.

«Yadro quroliga ega davlatlarga qarshi orqaga qaytarilmas bema’ni gaplarni gapirishga jur’at etayotgan, «yolvoradigan va yalinchoq» Seul va Kiyevning xatti-harakati ikki tomchi suvga o‘xshaydi. Biz bu umumiy xususiyatlarni Qo‘shma Shtatlar tomonidan yetishtiriladigan zo‘ravon itlarga xos deb atashimiz kerak», — deya Kim xonimning so‘zlaridan iqtibos keltiradi Koreya markaziy axborot agentligi .

Kim Yo Chenning qayd etishicha, KXDR tergov organlari Janubiy Koreyaning uchuvchisiz uchoqlari tomonidan mamlakat havo hududining buzilishi bilan bog‘liq hodisa yuzasidan tergovni davom ettirmoqda. Shimoliy Koreya rasmiylariga ko‘ra, Janubiy Koreyaning uchuvchisiz uchoqlari Pxenyan bo‘ylab targ‘ibot varaqalari tarqatgan.

O‘z navbatida, Janubiy Koreya dronlar uchirilishini rad etdi. Pxenyan bunday hodisani urush e’lon qilish deb hisoblash niyatida ekanini bildirdi.

15 oktyabr kuni Kim Chen In mudofaa masalalari bo‘yicha yig‘ilish o‘tkazdi, unda mamlakat suverenitetining buzilishi muhokama qilindi. Shu kuni KXDR Janubiy Koreya bilan transport aloqalarini butunlay uzdi. KXDR harbiylari avtomobil va temir yo‘llarni portlatib yubordi.