Kuchli shamol Xitoydagi aeroport shiftini qo‘porib tashladi (video)
Xitoyning Nanchan shahrida kuchli shamol tufayli aeroport terminalining shifti qulab tushdi va yo‘lovchilar orasida vahima keltirib chiqardi. Bu haqida «New Straits Times» ma’lumotiga asoslanib «RIA Novosti» ma’lum qilgan.
Kadrlarda shift bo‘laklari mashinalar ustiga tushayotganini ko‘rish va yo‘lovchilarning qichqirig‘ini eshitish mumkin.
OAV ma’lumotlariga ko‘ra shamol tezligi sekundiga 30 metrga yetgan. Bu kuchli dovul hisoblanadi (bo‘ronning eng quyi tezligi sekundiga 32 metr).
Aeroport mutasaddisining ma’lum qilishicha, bir qancha reyslar kechiktirilgan, ammo kechga borib aeroport odatdagi rejimda ishlay boshlagan. Hodisada hech kim jarohat olmagan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter