Brejnevnikiga o‘xshash limuzin sotuvda — 50 mln rubl so‘rashmoqda
1973-yilda ishlab chiqarilgan kamyob «ZiL-117» mashinasi sotuvga qo‘yildi. Bu sobiq ittifoq KP bosh kotibi Leonid Brejnevni olib yurgan «ZiL-114» limuzinining yengilroq va chaqqonroq talqini.
Mashina uchun 50 mln rubl (813 ming dollar atrofida) so‘rashmoqda.
Avtomobil bilan birga tarixiy ashyolar — sirena, migalka va aloqa vositalari qo‘shib sotilmoqda. Mashina 50 yillik tarixi davomida 69 ming kilometr yo‘l bosgan, deb yozdi Avito. Sotuvga qo‘yilgan mashina Simferopolda turibdi.
«ZiL-117» — sobiq ittifoq elitasi uchun ishlab chiqarilgan ilk sedan. Turkumgacha uchta mashinani qo‘shmaganda, jami 66 ta shunday avtomobil yig‘ilgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter