Mavlonov ikkinchi bor Bosh prokuror o‘rinbosarligiga tayinlandi
Prezidentning tegishli farmoniga muvofiq, Akmalxo‘ja Yusupovich Mavlonov O‘zbekiston Respublikasi Bosh prokurori o‘rinbosari etib tayinlandi.
U bunga qadar Namangan viloyati prokurori lavozimida faoliyat yuritgan.
A.Mavlonov 1975-yilda tug‘ilgan, ma’lumoti oliy, huquqshunos. 2002-yilda Toshkent davlat yuridik institutini tamomlagan.
Prokuratura organlaridagi ish faoliyatini 2002-yilda Davlatobod tuman prokuraturasida boshlab, Namangan viloyati prokuraturasi organlarida turli lavozimlarda, 2006-yildan Bosh prokuratura boshqarma prokurori, katta prokurori, Marg‘ilon shahar prokurori, Sirdaryo viloyati prokurorining birinchi o‘rinbosari, Xorazm viloyati prokurori lavozimlarida faoliyat yuritgan.
2018-yilning fevral oyidan O‘zbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti boshlig‘i lavozimida ishlagan.
A.Mavlonov Namangan viloyati prokurorligidan avval ham Bosh prokuror o‘rinbosari lavozimida faoliyat ko‘rsatgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter