Qarshida bir kompaniya ishchilarining maoshi o‘g‘irlandi
2018-yil 6-sentabr kuni noma’lum shaxs Qarshi shahrida joylashgan “Uzbekistan GTL” zavodida qurilish ishlarini olib borayotgan “Evro Engineering” kompaniyasining xizmat xonasi eshigini buzib kirib, u yerdan 10 000 AQSh dollari va kompaniya ishchi-xizmatchilariga oylik maoshi sifatida berilishi kerak bo‘lgan 46 171 000 so‘m pullarni o‘g‘irlab ketgan.
Ko‘rilgan choralar natijasida ushbu jinoyatni Samarqand shahrida yashovchi, yuqoridagi kompaniyaning haydovchisi M.Ch. sodir etganligi aniqlanib, ushlangan. Holat yuzasidan jinoyat ishi qo‘zg‘atilib, tergov harakatlari olib borilmoqda.
Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar berdi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter